EVM a vote tla zawng zawng 7342 atangin ZPM candidate Dr. Malsawmtluangi hian vote 3544 hmuin, a dawttu MNF Candidate Dr. Lalrinzuali Hrahsel in vote 2502 a hmu a, an inthlauhna hi  vote 1042 a ni.

INC Candidate Effie Vanlalhmangaihi chuan vote 1,070 a hmu a, BJP Candidate  K. Vanlalruati hian vote 102 hmuin candidate zingah a hmu tlem ber a, NOTA ah vote 24 a tla thung.

AMC Ward XIX bial ah hian Kulikawn, Tlangnuam, Tlangnuam Vengthar, Saikhamakawn, Melthum leh Hlimen te a awm a, tarlan tawh thin angin Ward XIX bialtu Corporator Baryl Vanneihsangi chu 2023 MLA Inthlan khan, Aizawl South III biala MLA atan thlan tlin anih tak avangin, a bial chhuahsan hnawhkhah nana Inthlan hi buatsaih a ni.

A hnuaia mi hi veng hrang hrang a candidate te vote hmuh dan a ni:

Kulikawn ah ZPM- 642, MNF- 802, INC- 311, BJP- 11

Tlangnuam ah ZPM- 614, MNF- 499, INC- 263,  BJP- 6

Tlangnuam Vengthar ah ZPM- 382, MNF- 209, INC- 206, BJP- 50

Saikhamakawn ah ZPM- 346, MNF- 255, INC- 174, BJP- 13

Melthum ah ZPM- 91, MNF- 548, INC-79, BJP-6

Hlimen ah ZPM- 1469, MNF- 189, INC- 75, BJP- 16